10/4/2017
PKG - 屬於都市人既多功能袋!PKG成立於2009年,係加拿大既包袋設計品牌,專注數碼產品包袋設計,致力為都市消費者提供時尚便捷既解決方案。 現代人出街、返工,都會帶唔同大大小小嘅嘢,其中手提電腦或者平板電腦當然係係不能缺少。而PKG既設計概念,就係希望一個背囊,一個袋,足夠擺放你出街或者返工所需要嘅全部物品。 超過廿種系列,每個系列提供唔同款式、功能,總有一個啱你使用!而不可不提既係,每個袋主要都係為手提電腦、平板電腦而設,有間隔可以快速放取手提電腦,另外亦會有間隔放置其他手提電腦配件,大量貼心設計,絕對係為翻工翻學既你而設! 除咗設計,PKG對用料都十分講究,呢度特別講一講DRI系列。用料方面,採用3-PLY LAMINATE DRI FABRIC,呢種用料既特別之處就係十分輕身,一個可以放15''Notebook既背囊都只係1~2磅重,真係拎上手都唔覺有拎! 作為電子器材專用袋,防水性能同耐用度都十分重要,呢種物料本身已經防水,一般落雨都唔會整濕內部空間,而且設計上大部分都會有頂蓋設計,將最有可能入水既主要拉鍊位都完全覆蓋住,為你既手提電腦提供充足保護! 舒適性亦經得起考驗,人體工學設計,背面及背帶都有透氣軟墊設計,而且大部分手提包手柄都配有人造皮革設計,拎幾重都唔驚手痛。 而其中手提袋仲有行李箱設計,拖喼時只需將佢直接安裝喺手柄上,十分方便! 除咗以上所講既功能性,PKG產品都係為都市人而設,外觀時尚,簡約,而且廿幾種款式,每個款式都有最多9種顏色配搭,唔使驚同人撞款!梗有一款啱你Style! |