Pictar - 將你部Iphone變單反！

好多人問我，點解行山仲要帶部笨重單反(本人仲用緊Nikon D5200)，明明用手機都影到一樣既效果，而我會好型咁回答
"我用既唔係單反，係專業，係Professional"
直到我有個朋友攞出呢個Pictar相機殼，我輸了，我徹底輸了。

Iphone既影相功能越嚟越強大，影出嚟既相片質素已經同傻瓜DC機差唔多，更加媲美入門單反。點解仲用DC機？因為Iphone都有佢既限制：纖薄機身對影相嚟講冇乜手感，同埋光圈、快門、ISO、白平衡等都難以調教，有時手指濕咗或者帶住手套，直頭相都影唔到。而今日要介紹既呢款產品，正正就係為解決以上不足而設。

佢設有五個外置實體按鈕，其中一個按鈕可以俾用家自行設計點用，可以係調教快門速度(由1/2 到 1/8000)；可以係調教ISO；亦都可以係轉換相機既預設模式：自動，運動，風景，肖像，拍片或自拍等模式。
​
如果你係專業攝影既，佢仲可以揀”手動模式”或”ISO模式”，更加有效控制所有更細膩既功能，例如快門速度，白平衡，ISO，閃光模式等等，由傻瓜機到專業單反用家都照顧周到！

另外，Pictar外型完全符合人體工程學設計，單手拎住就可以控制曬上面所講既按鈕，就算帶住手套，又或者滑緊雪，踩緊單車，都唔需要再擔心輕觸式屏幕感應唔到你隻手指。

佢同時都考慮到高階攝影者既需要，底部可以安裝通用相機三腳架既標準縲絲頭，頂部亦有一個“Cold shoe”可連接外置閃光燈或錄音咪。

同時，佢包含一個專利既連接方法－－利用超聲波即時連接你部iPhone，唔使再慢慢用藍芽去配對！只要簡單一插，開啟自家研製既影相Apps (可從 App Store 免費下載)，即刻就可以影相！

可以點用？不妨參考以下影片：

想影靚相但又唔想拎成堆攝影器材出街？Pictar絕對係你同你部Iphone既最佳拍檔！

如果對Pictar相機殼有興趣，可以直接Click入呢度