20/4/2017
Miggo - 你既專業相機拍檔之前同大家介紹過Miggo出品既Pictar iPhone相機外殼(可以click入呢度重溫),唔講唔知,除咗高科技嘢,Miggo其實係創作專業相機配件出身,產品仲要相當有睇頭! 2014年成立,嚟自以色列,自從2014年喺Kick-starter發布第一件產品並超額集資4倍後,一直深受各地攝影愛好者歡迎,並喺全球各地不斷擴展緊。正如佢既Slogan:Camera's Best Amigo,佢哋既產品除咗創意無限之外,集專業、實用、方便於一身,絕對係攝影產品界既生力軍。有幾勁?即刻帶你睇下! 由佢第一件集資產品講起,無論想輕便定重裝,每次帶相機出街都要備個相機袋嚟保護相機,有時想就咁出街隨影都搞到好唔方便。所以,Miggo推出呢款集相機帶&相機保護罩於一身既新產品 - Strap & Wrap,質地掛頸十分舒適之外,簡單幾下手勢就可以將相機包起,由於採用吸收撞擊力物料,輕微既碰撞都唔會破壞部相機,一物二用,極之方便! 除咗上述S&W,呢款Grip&Wrap同樣特別。平時影相都要拆走個相機套,幾秒時間可能已經miss好多景色,而呢款相機套長期固定喺機身,影相時除套,影完戴翻,就係咁簡單!而且佢仲連接手腕,唔怕甩手跌咗部機,係掛頸相機帶既另一選擇! 除咗相機保護套,佢既相機袋都令各位攝影愛好者十分驚喜。材料方面,主打IPX3防水標準。即係有幾勁?可以防止喺垂直60度噴射10公升/分鐘既水,又或者喺80-100kN / m2既壓力下都可以防水5分鐘,正常無論落幾大雨都唔怕整濕你既相機! 想知防水有幾勁?可以參考下呢條片: 設計方面,Quick-Torso pack 65 Pro單肩袋在乎方便快捷,主打兩秒就可以喺袋度拎相機出來,而且設有安全帶綁住相機&袋身,唔驚錯手跌落地。 另外Stormproof Backpack除咗間隔實用之餘,設計上都好細心--兩邊側身都有開口位可以快速拎到部相機,唔洗慢慢喺背囊"掘"出來;袋身出面有扣位方便攜帶三腳架;而最貼心既,就係附送一個Miggo袋仔,方便存放各種小工具,例如電線,數據線等等。咁貼心,作為攝影愛好者既本人,真係有被愛既感覺! 講咗咁多,作為攝影愛好者既你係咪有啲心動呢?其實佢哋仲有好多細微設計,十分體貼,絕對值回票價。 如果對Miggo既相機產品有興趣,可以click入呢度發掘更多~ |